‘Ons moet sigbaar standpunt inneem teen plaasmoorde’

26Oct - by SA Genocide - 0 - In AfriForum bron plaasaanvalle SA-nuus

Argieffoto

Ernst Roets, adjunk uitvoerende hoof van AfriForum, het gesê die vlaag wrede plaasaanvalle en 70 plaasmoorde wat sedert 1 Januarie vandeesjaar gepleeg is, het die landelike gemeenskap en die meeste landsburgers laat steier.

“Die vraag op mense se lippe is: ‘Wat kan ék doen?’”

Maroela Media het vroeër berig oor ʼn boer van die Klapmuts-omgewing wat in ’n video wat hy gemaak het ’n emosionele pleidooi aan  mense rig om Maandag swart aan te trek ter ondersteuning van die land se boere. Hy sê dat die swart kleredrag ʼn teken van respek sal wees teenoor die boere wat al vanjaar hul lewens verloor het. Die video is gemaak ná Joubert Conradie (47) Dinsdag tydens ʼn plaasaanval doodgeskiet is.

“AfriForum ondersteun dié inisiatief heelhartig en moedig ons lede en alle gemeenskappe aan om eerskomende Maandag swart aan te trek. Dit is belangrik dat die publiek op ’n sigbare wyse standpunt inneem en hierdie aksie is ’n geleentheid om presies dít te doen,” het Roets gesê.